Puisi Batak | Naburju

Songon sintuak ni loba
na tonggi daion dila
tar songonima pambahenanmu tuahu
hasian... boru ni raja

tonggi dipamangan,
lobana ndang sorot tu iba.
nalambok marpanghuling
naso marnaloja paanju-anju ahu.

rab ma mangan mahita di napaet
rab mandai di na tonggi
rab mangadopi di nahurang
rab masianjuan dinasala.

burjumi, tudosma tu dainang
uang ma nian muba jala mose,
ingkon honama di ahu.
ndang olo ahu hamagoan ho.

Hasian, jalo ma rohangkon..
pos roham,
marjanji ahu,
tung naso tupa huose janjikku,
ndang tinggalhononhu ho aha pe namasa.

by: H. Nainggolan

Berlangganan artikel GRATIS lewat email? Silahkan DAFTARKAN email Anda di sini!

Buka email anda dan klik tautan yang ada untuk konfirmasi

Artikel Penting Lainnya: